Leverkuseni poston një fotografi të Xhakës: Mirë po dukesh, Granit

09:48 | 2 Korrik 2025
D.H

Futbollisti me prejardhje nga Kosova, Granit Xhaka ka qenë në qendër të vëmendjes për një transferim të mundshëm tek Milani.

Mirëpo, drejtori sportiv i “Aspirinave”, i kishte mohuar gjithnjë zërat, ani pse shumë media në mbarë Evropën raportonin se Xhaka ka arritur marrëveshje personale me Milanin, shkruan Arbresh.info.

Mëngjesin e sotëm Leverkuseni ka postuar një fotografi të Xhakës në rrjetin social Facebook, ku shihet i buzëqeshur në fotosesionin për edicionin e ri.

“Mirë po dukesh, Granit”, shkruhet në një fotografi tjetër të postuar nga Bayer Leverkusen në faqen e tyre zyrtare.

Xhaka u bë pjesë e Leverkusenit në vitin 2023 pas transferimit nga Arsenali, dhe ka një kontratë të vlefshme me këtë klub deri në vitin 2028./Arbresh.info